__________________________________
स्त्रीत्व...
पुरुषा,
नीच, कपट, हलकट
असे शब्द तुझ्या विरुद्ध कवितेत मांडताना,
तुलाही वेदना होत असतील ना..
पुरुषप्रधान... पुरुषप्रधान...
हे शब्दही तुला आता
नकोसे वाटत असतील..
स्त्रीचं वेदनामय भावविश्व मांडताना,
पुरुषाची पडद्यामागची भूमिका
निर्जीवच दिसत आलीय...
आज सुद्धा...
जाऊ दे रे... पुरुषा,
पुरुष म्हणजे दगड हे चित्र
कालसारखं आजची तसचं आहे.
वेदनाचं डोंगर मौनामध्ये सामावून घेणं,
गुपचूप कोपऱ्यात एकटं रडणं..
हे सारं काही तू आता बंद कर..
दिसू दे तुझेही अश्रू - दु:खं - वेदना - संवेदना,
पुरुषप्रधान संस्कृतीच्या नावाखाली,
तुझी ओरबड करणाऱ्या...
तमाम कवी - कवयित्रींना...
कदाचित, मग तेही मांडू शकतील..
तुझ्यात लपलेलं स्त्रीत्व....!
©️®️ दिनेश जवरीलाल राठोड (जिजाईसुत)
चाळीसगाव (जळगांव)
dineshjrathod1998@gmail.com
_____________________________________
कोणत्याही टिप्पण्या नाहीत:
टिप्पणी पोस्ट करा