आपलंपण

आपलंपण
________________

जगाचा पोशिंदा
आभाळाकडे पाहत असतो.
पाऊस येईल या इच्छेवर..
अगदी तसंच
निवडणुकीच्या कालावधीत
फक्त काही महिने
तळमळत असतो नेता
निवडणुकीच्या ढगाकडे पाहत
विजयाचं पाऊस पडेल या आशेवर...

मतदानाच्या आदल्या काळया रात्री,
काळया पैशातून काळी कामे होतात.
बाटल्या तुटतात-फुटतात, 
निवडून येतात..
काळरात्र संपून दिवस उजाडतो.
अंगात पांढरा सदरा दिसतो..
मग पांढऱ्या सदऱ्यातून
काळा पैसा पांढरा दिसू लागतो.

निवडून आल्यावर,
दिसत नाही ते घर नि दार
ती आम जनता..
निवडणुकीच्या काळात
जेथे टेकवत होते माथा..

चढते मग त्यांना मस्ती
दिसते मग जनता सस्ती
जाळतात रातोरात वस्ती
दिवसात तेच बनतात हस्ती.

कृत्रिम पाप घडवून आणतात.
जाळायला लावणारे ते,
जाळणारे आपले..
जळणारेही आपलेच..
आता तुम्हीच सांगा
असंच किती दिवस जळत राहणार...
आता आपणच जागुया..
आपल्यातील आपलंपण शोधुया..
__________________________
©️®️ दिनेश राठोड (जिजाईसुत)
dineshjrathod1998@gmail.com
◼️◼️

_______________________________________