विठ्ठला....

विठ्ठला...

गरिबांना मिळावी भाकरी,
श्रीमंतांनी जपावी आपुलकी.
विठ्ठला! माणसानी माणसांशी,
पेरावी रे "बी" माणुसकीची.

गरीब-श्रीमंत , लहान-मोठा,
कोणी न करावे कधी भेदभाव.
विठ्ठला! रंजल्या गांजल्यासह,
सर्व मुखी असू दे तुझे रे नाव.

विठ्ठला!रामात अल्ला,अल्लात राम,
एक होऊन स्मरावे माणसांनी.
विठ्ठला! अरे जाती धर्म सोडूनी,
गुण्यागोविदाने राहावे माणसांनी.

विठ्ठला! लेकीवर न व्हावा बलात्कार,
जपावे तिला व्हावा तिचा सत्कार.
मुलगा-मुलगी विटंबना कधी न व्हावी
माणसांनी स्त्री पुरुष समानता जपावी.

विठ्ठला! अरे तू असतो रे तुपाशी,
असतो तो उपाशी तुझ्या दारावरी.
तुझ्या जवळ मागतो एक मागणी,
मिळावी तयास दररोज एक भाकरी.


विठ्ठला! पुढारी नेते असावे शुध्दीवर,
कधी न करावे राजकारण धर्म जातीय.
एक होऊनी एक मुखाने एक नारा द्यावे.
आम्ही आहोत सारे फक्त एक भारतीय..

©️ दिनेश राठोड (जिजाईसुत)
     चाळीसगाव (जळगांव)