अलविदा

""अलविदा ""
""""""""""""""""""""""""
कोमेजलेल्या कळीसम,
मित्रांनी दिले निरोप मला.
मी ही स्तब्ध पाषाणसम,
बोललो,तुम्हालाही अलविदा.....

मैत्रीची रेशीम गाठ तुटली,
शाळेचे दिवस संपता .
हिच का निसर्गाची किमया !
ते म्हणाले,तुला अलविदा.....

रोखूनी हदयाचा ठोका,
मुखातून शब्द फुटेना.
तरी मित्र म्हणाले पुन्हा,
तुला आमचा अलविदा.....

माझे जीवन तेजोमय झाले,
तुमची साथ लाभता .
अश्रू लपवत सहज म्हणाले,
तुला आमचा अलविदा.....

बंद करुनी स्पंदने ,
मैत्रीचा डाव मोडणे.
सोपं नसतं प्रमेश्वरा.....
एकमेकांस देणे अलविदा....

©️कवी दिनेश राठोड (जिजाईसुत)